Аляксандр Лукашэнка павіншаваў Уладзіміра Пуціна з Днём Расіі

Кіраўнік дзяржавы таксама накіраваў віншаванне прэм’ер-міністру суседняй краіны і іншым высокапастаўленым чыноўнікам.

Прэзідэнт Беларусі павіншаваў Уладзіміра Пуціна і ўсіх расіян з Днём Расіі, паведамляе прэс-служба.

«Расійская Федэрацыя – упэўненая ў сваёй сіле перадавая дзяржава, адна з вядучых дзяржаў з магутным эканамічным і абаронным патэнцыялам, гарант справядлівага светаўладкавання ва ўмовах глабальнай трансфармацыі», – адзначыў Лукашэнка.

Беларускі лідар таксама заявіў, што «беларусы заўсёды ішлі з расіянамі поплеч на шматвяковым гераічным шляху».

«Памяць аб сумесным пераадоленні выпрабаванняў, агульных дасягненнях і перамогах перадаецца з пакалення ў пакаленне. Менавіта правераная гадамі беларуска-расійская дружба дае невычэрпную энергію для далейшага гарманічнага развіцця нашых братэрскіх краін і народаў», – адзначыў Прэзідэнт Беларусі.

На заканчэнне Аляксандр Лукашэнка пажадаў грамадзянам Расіі шчасця і дабрабыту, а Уладзіміру Пуціну – моцнага здароўя і выдатных поспехаў у імя Айчыны.

Віншаванні ад кіраўніка беларускай дзяржавы таксама атрымалі Міхаіл Мішусцін, Валянціна Мацвіенка і Вячаслаў Валодзін.