Беларусь адыгрывае важнейшую ролю ў забеспячэнні харчаваннем на Зямлі – Лукашэнка

Сусветныя патрэбнасці ў мінеральных угнаеннях на 20% пакрываюцца за кошт беларускіх вытворцаў.

Беларусь адыгрывае важнейшую ролю ў забеспячэнні харчаваннем у свеце, заявіў Прэзідэнт рэспублікі Аляксандр Лукашэнка.

Кіраўнік дзяржавы ў панядзелак сустрэўся з гендырэктарам Харчовай і сельскагаспадарчай арганізацыі Аб’яднаных Нацый (ФАО) Цюй Дун’юем.

Беларускаму боку, паводле слоў Аляксандра Лукашэнкі, ёсць аб чым пагаварыць з кіраўніцтвам ФАО. Тым больш што і візіт Цюй Дун’юя ў беларускую сталіцу не выпадковы.

«З прычыны таго, што наша краіна адыгрывае важнейшую ролю ў забеспячэнні харчаваннем на нашай Зямлі», – цытуе Аляксандра Лукашэнку Telegram-канал «Пул Першага».

Беларускія ўлады супрацоўнічаюць з краінамі, якія маюць патрэбу ў тэхналогіях у сферы аграрнай вытворчасці.

Акрамя паставак харчавання, айчынныя прадпрыемствы дапамагаюць партнёрам наладзіць самастойную вытворчасць сельскагаспадарчай прадукцыі.

«Мы сёння адчуваем [у свеце] і дэфіцыт асабліва мінеральных угнаенняў, якія, зразумела, садзейнічаюць росту ўраджайнасці тых ці іншых культур, асабліва пшаніцы, кукурузы. І з прычыны гэтага харчовая праблема абвастраецца», – сказаў кіраўнік дзяржавы.

У сувязі з гэтым беларускі бок гатовы ўнесці свой уклад у забеспячэнне спажыўцоў у свеце і тых, хто мае патрэбу ў мінеральных угнаеннях.

Цяпер каля 20% мінеральных угнаенняў на сусветны рынак пастаўляецца беларускімі вытворцамі.

«Таму ўсялякія санкцыйныя абмежаванні, усялякія спробы ізаляваць Беларусь ад сусветнага рынку мінеральных угнаенняў контрпрадукцыйныя і вельмі негатыўна ўплываюць на забеспячэнне людзей планеты прадуктамі харчавання», – канстатаваў Аляксандр Лукашэнка.