Беларусь і Інданезія дамовіліся аб бязвізе і прамым авіярэйсе

Адкрыццё пасольства і адмена візавых абмежаванняў павінны садзейнічаць развіццю двухбаковых адносін.

Прэзідэнт Беларусі Аляксандр Лукашэнка заявіў, што Мінск і Джакарта дамовіліся аб бязвізавым рэжыме для беларусаў і адкрыцці прамога авіярэйса.

«Я дзякую вам за прынятае сёння рашэнне аб адкрыцці пасольства, аб бязвізавых паездках нашых грамадзян да вас і адкрыцці прамога авіярэйса», – сказаў кіраўнік дзяржавы па выніках перагавораў з інданезійскім калегам Прабова Субіянта.

Аляксандр Лукашэнка асабліва адзначыў, што беларусы не проста прыглядаюцца да Інданезіі як прывабнага турыстычнага напрамку, а ўжо адкрылі яго для сябе.

Адкрыццё пасольства і адмена візавага рэжыму для беларускіх грамадзян сталі вялікім крокам наперад для супрацоўніцтва дзвюх краін.

«Вітаем рашэнне інданезійскага боку аб адкрыцці пасольства ў Мінску», – цытуе кіраўніка дзяржавы БелТА.

Паводле яго слоў, інданезійская дыпламатычная місія будзе працаваць сумесна з беларускім пасольствам у Інданезіі, каб нарасціць інтэнсіўнасць адносін паміж краінамі.