Лукашэнка папросіць у неба сухое надвор'е на перыяд уборачнай

Паводле яго слоў, у бліжэйшыя дні на краіну абрушыцца моцны цыклон з ліўнямі, які трэба перажыць.

Прэзідэнт Беларусі Аляксандр Лукашэнка ў сераду, 8 ліпеня, правёў кадравы дзень: назначаючы новых памочнікаў у двух рэгіёнах і Мінску, а таксама кіраўнікоў мясцовай вертыкалі, ён нагадаў аб будучай уборачнай кампаніі.

Беларускі лідар заявіў, што будзе прасіць нябесную канцылярыю аб тым, каб не было дажджу. «Каб даў [Гасподзь] сухое надвор'е», – цытуе яго БелТА.

Паводле яго слоў, аграрыі ўжо пачалі ўбіраць палі, у прыватнасці, з азімым ячменем. Папярэднія вынікі гавораць аб тым, што ўраджай будзе добрым.

Прэзідэнт адзначыў, што ў гэтым годзе зборы з палёў у цэлым чакаюцца нядрэннымі, таму работнікам аграрнага сектара трэба прыкласці ўсе намаганні, каб убраць збожжа без страт. Акрамя таго, Лукашэнка расказаў, што бліжэйшыя дні ў Беларусі будуць даждлівымі.

«Вы ж бачыце, што дажджы ідуць. Дай бог, каб спыніліся. Але заўтра-паслязаўтра цыклон нас яшчэ значна патрасе, які рухаецца да нас з паўночнага захаду. Гэта я па здымках з космасу паглядзеў. Таму нам трэба гэта перажыць», – падкрэсліў кіраўнік дзяржавы.

Раней сіноптык Дзмітрый Рабаў расказаў, што цыклон з Балтыйскага мора прынясе 8 ліпеня моцныя ліўні і навальніцы. Дажджлівае надвор'е захаваецца да канца тыдня.