Лукашэнка павіншаваў беларускіх католікаў з Вялікаднем

Светлае Хрыстова Уваскрэсенне – галоўнае рэлігійнае свята хрысціян, устаноўленае ў гонар уваскрэсення Іісуса Хрыста.

Прэзідэнт Беларусі Аляксандр Лукашэнка павіншаваў суайчыннікаў, якія святкуюць Вялікдзень 5 красавіка.

Ён адзначыў, што многія людзі, усведамляючы веліч свята, абнаўляюцца духоўна: стараюцца жыць сумленна, дзейнічаць па справядлівасці, быць больш міласэрнымі да іншых.

Беларускі лідар пажадаў усім католікам Беларусі моцнага здароўя, духоўнага дабрабыту, радасці жыцця і цеплыні сямейных стасункаў.

Таксама Прэзідэнт павіншаваў кіраўніка Рымска-каталіцкай царквы ў Беларусі Іосіфа Станеўскага. Кіраўнік дзяржавы падкрэсліў, што вечныя хрысціянскія каштоўнасці моцна ўплецены ў духоўны код беларускага народа, яны аб’ядноўваюць людзей, вучаць спачуванню і міласэрнасці, дапамагаюць захоўваць мір і згоду на роднай зямлі.

«Няхай Велікодны цуд будзе для Вас невычэрпнай крыніцай радасці. Жадаю добрага здароўя і Божага благаславення ў служэнні на карысць Каталіцкага Касцёла і нашай краіны», – гаворыцца ў віншавальнай тэлеграме.

Светлае Хрыстова Уваскрэсенне – старажытнае хрысціянскае свята, важнейшы дзень богаслужэбнага года, устаноўленае ў гонар уваскрэсення Сына Божага Іісуса Хрыста.

Гэта пераходнае свята – яго дата кожны год вылічваецца па месячна-сонечным календары. У гэтым годзе Светлае Хрыстова Уваскрэсенне ў католікаў святкуецца 5 красавіка.