Лукашэнка павіншаваў калектыў Нацыянальнага акадэмічнага драмтэатра імя Якуба Коласа

Фото: kolastheatre.by, Instagram
Адзін з найстарэйшых тэатраў Беларусі 21 лістапада адзначае стогадовы юбілей.
Дадаць у асноўныякрыніцы Google
Прэзідэнт Беларусі Аляксандр Лукашэнка накіраваў віншаванні калектыву Нацыянальнага акадэмічнага драматычнага тэатра імя Якуба Коласа з нагоды 100-годдзя з дня яго адкрыцця.
У сваім віншаванні на беларускай мове кіраўнік дзяржавы адзначыў, што «векавы шлях тэатра – гэта яскравая гісторыя значных творчых здзяйсненняў і няспыннага мастацкага пошуку некалькіх пакаленняў «коласаўцаў».
«Сёння ваш калектыў трымае высокую прафесiйную планку, паспяхова ўвасабляе самыя смелыя сцэнiчныя задумы i радуе гледачоў запамiнальнымi пастаноўкамi», – гаворыцца ў віншаванні.
Аляксандр Лукашэнка ўпэўнены, што калектыў тэатра працягне працаваць на карысць Беларусі, а таксама захоўваць і памнажаць лепшыя традыцыі беларускай драматургіі.
«Жадаю новых дасягненняў, невычэрпнай энергii i добрага настрою», – напісаў Прэзідэнт.
Нацыянальны акадэмічны драматычны тэатр імя Якуба Коласа – адзін з найстарэйшых тэатраў Беларусі, размешчаны ў Віцебску, – адзначае сваё 100-годдзе. Тэатр заснаваны 21 лістапада 1926 года, а ў 1944 годзе яму было прысвоена імя народнага паэта Якуба Коласа.
Пастаноўкі ідуць пераважна на беларускай мове на дзвюх пляцоўках – вялікай (на 758 месцаў) і камернай сцэнах.

