Лукашэнка сустрэўся ў Пекіне з Сі Цзіньпінам

Кіраўнік дзяржавы напярэдадні пачаў вялікі візіт у краіны Усходняй і Паўднёва-Усходняй Азіі.

Прэзідэнт Беларусі Аляксандр Лукашэнка сустрэўся ў Кітаі са старшынёй КНР Сі Цзіньпінам, перадае ў панядзелак Telegram-канал «Пул Першага».

Кіраўнік дзяржавы прыбыў у кітайскую сталіцу напярэдадні ў рамках вялікага тура па Усходняй і Паўднёва-Усходняй Азіі. Яго ў сталіцы КНР сустракалі рота ганаровай варты і міністр адукацыі Хуай Цзіньпэн.

Ён адзначыў, што цэніць станоўчую ацэнку ўзаемаадносін Мінска і Пекіна з боку старшыні КНР.

Як прыклад паспяховага ўзаемадзеяння ён назваў індустрыяльны парк «Вялікі камень».

Лукашэнка таксама падзякаваў кітайскаму калегу за падтрымку развіцця прамысловасці і прамысловай кааперацыі паміж Беларуссю і КНР.

«Па ўсіх напрамках эканамічнага развіцця Беларусь выкарыстоўвае вашы тэхналогіі. Мы задаволены ўзроўнем гэтых тэхналогій і якасцю той прадукцыі, якую мы сёння атрымліваем», – сказаў ён.

У сваю чаргу Сі Цзіньпін падкрэсліў, што Мінск і Пекін з'яўляюцца добрымі сябрамі, а міждзяржаўнае супрацоўніцтва носіць шматпланавы характар, ідзе ў нагу з часам, прыносіць новыя вынікі і знаходзіцца на гістарычным піку.