Мінскае «Дынама» абгуляла ніжагародскае «Тарпеда»

«Зубры» завяршылі двухматчавую выязную серыю.

Дадаць у асноўныя
крыніцы Google

Хакеісты мінскага «Дынама» правялі матч рэгулярнага чэмпіянату КХЛ, сустрэўшыся ў Ніжнім Ноўгарадзе з «Тарпеда». Гульня завяршылася з лікам 2:1 (АТ) на карысць «зуброў».

У першым перыядзе гаспадароў вывеў наперад Уладзімір Ткачоў. Пасля перапынку раўнавагу аднавіў нападаючы «Дынама» Сяргей Кузняцоў.

У трэцім перыядзе каманды не змаглі вызначыць мацнейшага. Гульня працягнулася ў авертайме, дзе Сэм Энас прынёс перамогу «зубрам».

Пасля матчу ў Ніжнім Ноўгарадзе ў «Дынама» будзе невялікая паўза, затым тры матчы дома:

• 28 кастрычніка – «Барыс»; • 30 кастрычніка – «Трактар»; • 1 лістапада – «Дынама» Масква.