Сабаленка паспяхова стартавала на Падагульняючым турніры WTA – 2026

Цяпер па колькасці перамог на групавым этапе Падагульняючага турніру з 2003 года беларуска ўступае толькі Марыі Шарапавай і Серэне Уільямс.

Дадаць у асноўныя
крыніцы Google

Беларуская тэнісістка другая ракетка свету Арына Сабаленка з перамогі стартавала на Падагульняючым турніры WTA – 2026, які праходзіць у амерыканскім Індыян-Уэлсе.

Паядынак даўся Сабаленцы нялёгка: у першым сэце яна змагла адолець прадстаўніцу Чэхіі Караліну Мухаву (сёмае месца сусветнага рэйтынгу) толькі на тай-брэйку, у другім сэце да яго таксама ледзь не дайшло, але Арыне ўсё ж удалося вырвацца наперад. Лік у матчы, які доўжыўся 1 гадзіну 54 хвіліны, – 7:6 (7:2), 7:5.

Гэта перамога стала для беларускі 11-й на Падагульняючым турніры WTA. З 2003 года, калі спаборніцтвы зноў сталі праходзіць у кругавым фармаце, на групавым турніры больш выйгравалі толькі расіянкі Марыя Шарапава (17 разоў) і амерыканка Серэна Уільямс (14), піша OptaAce на сваёй старонцы ў сацыяльнай сетцы X.

Акрамя таго, Сабаленка паўтарыла дасягненне Мэры Пірс – усяго на гэтых спаборніцтвах у яе 13 перамог, гэта найбольшая колькасць сярод тых, хто ні разу іх не выйграваў, палічыў OptaAce.

Характэрна, што Сабаленка – першая за 10 гадоў тэнісістка, якая прымае ўдзел у шасці падагульняючых турнірах запар. У апошні раз падобнае ўдалося польскай тэнісістцы Агнешцы Радваньскай, якая згуляла ў падагульняючых турнірах WTA з 2011 па 2016 год.

Падагульняючы турнір WTA – 2026 праходзіць з 8 па 15 лістапада. Пасля таго як дзеючая пераможца спаборніцтваў знялася з іх з-за дрэннага самаадчування, Сабаленка называюць фаварыткай турніру.