Я нарадзілася без рукі: дзяўчына-кібарг адкрыта пра жыццё з пратэзам

Біянічнымі пратэзамі аснашчаны сотні тысяч людзей па ўсім свеце. Нядаўна гэта тэхналогія прыйшла ў Беларусь: некалькім пацыентам устанавілі рабатызаваныя рукі. Цяпер яны – кібаргі.

У 2025 годзе ўладальніцай «біёнікі» стала 27-гадовая Лізавета Чарняўская з Мінска. Дзяўчына нарадзілася без перадплечча на левай руцэ і з дзяцінства прывыкала абыходзіцца толькі правай. Але, як часта бывае, усё змяніў выпадак.

Ліза расказала Times.by і паказала, на што здольная яе кіберрука, якую рэакцыю выклікае ў прахожых, ці дзейнічае на яе металадэтэктар і як гэта – быць кібаргам.