Якая інфляцыя ў Беларусі па выніках красавіка, расказалі эксперты ЕАБР

Істотных змяненняў не назіраецца, а агульны прагноз на год захоўваецца на мэтавым узроўні.

Аналітыкі ЕАБР прадставілі штотыднёвы макраагляд, дзе назвалі даныя па інфляцыі ў Беларусі. Гэты паказчык у красавіку 2026 года застаўся на ўзроўні сакавіка – 5,4% год да года.

Цікава, што прадукты пачалі даражэць больш павольна. Харчовая інфляцыя знізілася з 7,8% да 6,3%. Шмат у чым таму, што сезонная гародніна і садавіна патаннелі (3,1% г/г), калі месяцам раней рост цэн на іх складаў 3,5% г/г.

Павышэнне тарыфаў на паслугі ЖКГ не прайшло бясследна для эканомікі. Згодна з данымі ЕАБР інфляцыя ў сектары паслуг вырасла да 8,4% г/г, калі раней яна складала 6% г/г.

Пры гэтым так званая базавая інфляцыя зніжаецца ўжо чацвёрты месяц запар – цяпер яна на ўзроўні 5,9% г/г. Гэта лічыцца добрым сігналам: значыць, націск на цэны паступова слабее.

Эксперты Еўразійскага банка развіцця лічаць, што па выніках 2026 года інфляцыя ў Беларусі застанецца ў межах мэтавага ўзроўню – не вышэй за 7%.