Аналітыкі растлумачылі, чаму ў Беларусі паскорыўся рост цэн

Абноўлена:
продуктовый магазин

Фото: aleksandarlittlewolf, Freepik.com

Паводле афіцыйнай статыстыкі, больш за ўсё ў кастрычніку падаражэла ікра ласасёвых рыб – на 16,27%, тым часам бульба патаннела на 9,64%.

Дадаць у асноўныя
крыніцы Google

Інфляцыя ў Беларусі вырасла з 4,6% у верасні да 4,7% у кастрычніку год да года. Нехарчовыя тавары ў гадавым выражэнні падаражэлі ў кастрычніку на 4,4%. У верасні ж гэты паказчык быў 3,7%.

Рост цэн на прамтавары адбіўся і на базавай інфляцыі. У кастрычніку яна склала 5% пасля 4,8% на працягу папярэдніх чатырох месяцаў.

Аналітыкі Еўразійскага банка развіцця (ЕАБР) лічаць, што драйверам паскарэння росту цэн стала скарачэнне пераліку тавараў, цэны на якія рэгулюе дзяржава.

Спіс такіх тавараў зменшылі ў ліпені 2026-га, скарэкціраваўшы пастанову №713. З яе выключылі больш за сотню пазіцый: з 199 да 76 пазіцый. Пастанова №713 дзейнічае з 2022 года.

Паводле прагнозаў ЕАБР, па выніку года інфляцыя ў Беларусі можа быць 5%. Пры гэтым мэтавы паказчык, устаноўлены ўладамі на гэты год, знаходзіцца на ўзроўні 7%.