Арына Сабаленка працягвае ўтрымліваць першае месца ў сусветным рэйтынгу

Цяпер беларуска рыхтуецца да старту Адкрытага чэмпіянату ЗША ў Нью-Ёрку.

Дадаць у асноўныя
крыніцы Google

Беларуская тэнісістка Арына Сабаленка захавала першае месца ў рэйтынгу WTA. Абноўлены топ арганізацыя прадставіла на сваім сайце ў панядзелак, 24 жніўня.

Цяпер у Арыны 8575 ачкоў. У яе бліжэйшай праследавацельніцы Алены Рыбакінай з Казахстана – 8141. Такім чынам, адрыў складае 434 балы. На трэцім месцы амерыканка Джэсіка Пегула (7265).

Аляксандра Сасновіч на дзве пазіцыі палепшыла свой рэйтынг – 136-е месца, на яе рахунку 563 ачкі. Ірына Шымановіч таксама паднялася на два радкі да 191-га месца, у яе 405 балаў. Алена Фалей засталася на ранейшым 222-м месцы з 356 баламі. На 288-м радку (плюс восем пазіцый) знаходзіцца Дар'я Хамуцянская (246 ачкоў). Вікторыя Азаранка размяшчаецца на 452-м месцы (плюс тры пазіцыі) – у яе актыве 130 балаў.

Нагадаем, на наступным тыдні, 2 верасня, у Нью-Ёрку стартуе Адкрыты чэмпіянат ЗША (US Open). Арына Сабаленка з'яўляецца дзеючай чэмпіёнкай турніру.