Дынама» абгуляла па булітах «Нафтахімік»

Фото: ХК «Динамо-Минск»
Дзякуючы гэтай перамозе «зубры» дадалі сабе ў актыў два важныя балы.
Дадаць у асноўныякрыніцы Google
Мінскае «Дынама» на выездзе абгуляла «Нафтахімік» у булітнай серыі – 0:0, 0:1, 1:0, 0:0, 0:1.
Сустрэча праходзіла ў Ніжнякамску на «Нафтахім-Арэне». Гэта была першая сустрэча сапернікаў у сезоне. Для «Нафтахіміка» гэта быў чацвёрты з шасці матчаў дамашняй серыі, для «Дынама» – трэці на выездзе.
Першы перыяд застаўся безгалявым, у другім лік адкрыў Станіслаў Галіеў, у трэцім Герман Тачылкін зраўняў лічбы на табло. Такім чынам, у асноўны час выявіць пераможцу не ўдалося – але і ў дабаўлены хакеісты не змаглі паразіць вароты саперніка.
Усё вырашыла серыя булітаў. У дынамаўцаў спробы рэалізавалі Мікалай Салыга і Ілья Усаў. Мінчане выйгралі серыю булітаў упершыню ў сезоне.
Далей «зубры» вернуцца ў Мінск, а праз некалькі дзён зноў адправяцца на выезд. У нядзелю, 22 лістапада, іх чакае сустрэча з «Барысам» у Астане, у аўторак, 24 лістапада, яны згуляюць з «Металургам» у Магнітагорску, а на чацвер, 26 лістапада, намечаны матч з «Салаватам Юлаевым» ва Уфе.

