Бабка і дранікі могуць трапіць у спіс спадчыны ЮНЕСКА
Bel.Times.by
Фото: Павел Орловский, Times.by
Беларусь прыкладае намаганні па павышэнні турыстычнай папулярнасці краіны на міжнародным узроўні.
Цяпер ідзе праца над дасье «Стравы з цёртай бульбы» для ўключэння ў спіс нематэрыяльнай культурнай спадчыны ЮНЕСКА, расказала на прэс-канферэнцыі начальнік упраўлення па ахове гісторыка-культурнай спадчыны Мінкульта Ірына Дашчынская.
«Цяпер беларускія спецыялісты распрацоўваюць нацыянальнае дасье «Стравы з цёртай бульбы, традыцыі прыгатавання і ўжывання ў Беларусі», – паведаміла прадстаўнік Мінкульта Беларусі.
Пры гэтым яна нагадала, што на гэты момант у ЮНЕСКА наша краіна ўжо прадстаўлена чатырма матэрыяльнымі аб’ектамі культуры і сям’ю нематэрыяльнымі.
Картофельная бабка со сметаной. Фото: Павел Орловский, Times.by
Ірына Дашчынская звярнула ўвагу, што «наяўнасць аб’ектаў у спісе сусветнай спадчыны павышае прэстыж, робіць гэтыя аб’екты і саму дзяржаву больш пазнавальнымі, прывабнымі для турыстаў».
Паводле яе слоў, ахова гістарычнай і культурнай спадчыны неабходны для таго, каб краіна развівалася, а яе імідж у свеце ўмацоўваўся.
Драники. Фото: locrifa, Pixabay.com
Раней рэдакцыя Times.by не толькі прыгатавала бульбяную бабку па класічным рэцэпце, але і палічыла, у колькі гэта прыемнасць абыдзецца радавому абывацелю.
Цяпер мы проста-такі лічым сваім прафесійным абавязкам весці для ўсіх нашых чытачоў «індэкс бульбяной бабкі».
