Беларускія пляжнікі атрымалі другую перамогу ў Еўралізе

У каманды Нікаласа Альварада ў Іспаніі засталася адна гульня – са зборнай Партугаліі.

Беларуская каманда па пляжным футболе атрымала другую перамогу ў Еўралізе, паведамілі ў прэс-службе Міністэрства спорту.

У іспанскім горадзе Эль-Пуэрта-дэ-Санта-Марыя беларусы сустракаліся з камандай Чэхіі. Паядынак завяршыўся з лікам 8:3 на карысць беларускіх футбалістаў.

Тры галы на свой рахунак запісаў лідар каманды Ігар Брыштэль.

Наступны матч падапечныя Нікаласа Альварада правядуць у пятніцу, 22 мая, супраць зборнай Партугаліі.

Як раней паведамляў Times.by, у першым матчы беларусы гулялі з туркамі і атрымалі пераканаўчую перамогу з лікам 10:2.

З групы А, дзе выступае Беларусь, у плэй-оф выйдуць дзве мацнейшыя каманды. У квартэце В гуляюць зборныя Літвы, Польшчы, Іспаніі і Швейцарыі.

Паўфінальныя матчы адбудуцца 23 і 24 мая. Суперфінал Еўралігі пройдзе 8–13 верасня ў італьянскім Віярэджа.

У мінулым годзе Беларусь у трэці раз запар стала бронзавым прызёрам Еўралігі, а ў 2021-м беларусы былі ўладальнікамі серабра галоўнага кантынентальнага турніру.