Беларускія пяціборкі заваявалі золата ў першы дзень чэмпіянату свету

Спартсмены з Беларусі выступаюць на сусветным першынстве са сцягам і з гімнам.

Дадаць у асноўныя
крыніцы Google

Беларускі Марыя Гнедчык і Настасся Арол выйгралі залатыя медалі ў першы дзень чэмпіянату свету па сучасным пяцібор’і, паведамілі ў прэс-службе Нацыянальнага алімпійскага камітэта.

Сусветнае першынство праходзіць у гэтыя дні ў кітайскім Гуйяне. Спаборніцкую праграму адкрыла жаночая эстафета, перамогу ў якой святкаваў беларускі дуэт.

Міністр спорту Сяргей Кавальчук павіншаваў беларусак з першым месцам. «Вы дастойна прадставілі Беларусь на сусветнай арэне і ў чарговы раз пацвердзілі высокі ўзровень айчыннай школы сучаснага пяцібор’я», – прыводзіць словы кіраўніка ведамства прэс-служба.

Дарэчы, напярэдадні на ЧС па сучасным пяцібор’і сярод спартсменаў да 15 і да 19 гадоў, які праходзіць у Мадрыдзе, беларусы Клім Гнедчык і Аліса Квашнеўская заваявалі золата ў змешанай эстафеце.