Беларускія вучоныя ўдасканальваюць тэхналогію вытворчасці бульбы фры

Даследчыкі хочуць прыстасаваць вытворчасць папулярнага прадукту пад айчынныя гатункі.

Дадаць у асноўныя
крыніцы Google

У Беларусі працуюць над удасканаленнем тэхналогіі па вырабу бульбы фры, паведамілі ў Навукова-практычным цэнтры НАН Беларусі па харчаванні.

Вучоныя працуюць над тэхналогіяй сумесна з айчынным прадпрыемствам, якое займаецца выпускам замарожаных паўфабрыкатаў для бульбы фры.

У ходзе работы вывучаюцца рэжымы захоўвання, якія залежаць ад якасці бульбы, якая паступае на вытворчасць, і сыравіны, якая прыйшла на лінію пасля склада.

«Асноўная мэта – атрымаць стабільную вонкавую паверхню «брусочкаў» бульбы фры за кошт выраўноўвання іх вугляводнага саставу. Іншымі словамі, каб быў прывабны знешні выгляд – хрусткая скарынка, раўнамерная тэкстура і колер», – піша БелТА.

Папулярны прадукт ва ўсім свеце вырабляецца з пэўных гатункаў бульбы. У Беларусі для гэтых мэт выкарыстоўваюцца гатункі галандскай селекцыі.

Таму перад беларускімі вучонымі стаіць задача адаптаваць наяўныя тэхналогіі пад выпуск бульбы фры з айчынных гатункаў.