Бульба па 66 капеек, цыбуля па рублю: колькі будзе каштаваць агародніна зімой

Беларускія ўлады вызначылі максімальныя цэны на асноўныя віды плодаагародніннай прадукцыі.

Дадаць у асноўныя
крыніцы Google

Міністэрства сельскай гаспадаркі і харчавання зацвердзіла гранічныя адпускныя цэны на бульбу, агародніну і яблыкі, каб вытворцы і нарыхтоўшчыкі працавалі па адзіных правілах.

Размова ідзе аб міжсезонні 2026–2027 года. Для бульбы, морквы і буракоў гэты перыяд доўжыцца з 15 лістапада 2026 года па 31 мая 2027-га, для капусты, цыбулі і яблык – з 15 лістапада 2026 года па 30 красавіка 2027-га.

Адпускныя цэны на прадукцыю, якая рэалізуецца вытворцамі юрыдычным асобам па дзяржзаказе, вызначаны за кілаграм і пазначаны ў двух варыянтах: без расходаў на дастаўку і з іх улікам.

Бульба абыдзецца ў BYN 0,66/0,69 за кіло, буракі – BYN 0,69/0,72, морква – BYN 0,78/0,82, цыбуля – BYN 1,05/1,10, капуста – BYN 0,98/1,03, свежыя яблыкі – BYN 2,73/2,86.

Таксама ведамства апублікавала максімальныя цэны на прадукты, якія будуць плаціць гандлёвыя сеткі за куплю агародніны са стабфондаў.

Для бульбы цана складзе BYN 0,71 без расходаў па дастаўцы і BYN 0,74 з іх улікам. На буракі кошт пазначаны BYN 0,78 і BYN 0,82, на моркву – BYN 0,90 і BYN 0,94, капусту – BYN 1,08 і BYN 1,1 адпаведна. На цыбулю цана будзе BYN 1,12 і BYN 1,18, а на яблыкі – BYN 3,2 і BYN 3,36 адпаведна.