Бюджэт пражытачнага мінімуму будуць лічыць у Беларусі па-новаму

Гэта паўплывае на памер дзіцячых дапамог, сацыяльных пенсій і іншых выплат.

Дадаць у асноўныя
крыніцы Google

Парадак разліку бюджэту пражытачнага мінімуму (БПМ) зменіцца ў Беларусі з 1 снежня. Гэта прадугледжана пастановай урада №490.

Цяпер пры разліку БПМ кошт нехарчовых тавараў і паслуг складае 83% ад кошту мінімальнага набору прадуктаў харчавання, а з першага месяца зімы гэты паказчык павялічаць да 85%.

Бюджэт пражытачнага мінімуму прымяняецца пры разліку розных сацыяльных выплат, у тым ліку дзіцячых дапамог, выплат па доглядзе інвалідаў і пажылых людей, сацыяльных пенсій, а таксама асобных даплат і надбавак пенсіянерам.

Нагадаем, БПМ пераглядаюць чатыры разы ў год. З 1 жніўня 2026 года яго памер складае BYN 530,37.