ЕАБР: рост рэальных зарплат у Беларусі паскорыўся

Спецыялісты банка мяркуюць, што гадавая інфляцыя ў краіне не перавысіць узровень у 7%.

Рост рэальнай заработнай платы ў Беларусі паскорыўся, што стварае ўмовы для пашырэння спажывецкага попыту, гаворыцца ў штомесячным дакладзе Еўразійскага банка развіцця.

Паводле даных фінансавай установы, у маі бягучага года рэальныя зарплаты насельніцтва рэспублікі павялічыліся на 7,5% пасля росту на 6,7% у красавіку.

У бюджэтнікаў рост аплаты працы ў рэальным выражэнні застаецца вышэйшым за сярэдні па эканоміцы краіны: ён паскорыўся да 9,9% пасля 9,7% месяцам раней.

«Яе павышэнне прадоўжыць падтрымліваць рост рэальных наяўных даходаў насельніцтва, якія ў студзені – красавіку павялічыліся на 8%», – гаворыцца ў дакуменце.

Аналітыкі ЕАБР падкрэсліваюць, што гэта стварае ўмовы для далейшага пашырэння спажывецкай актыўнасці і эканамічнага росту ў Беларусі. На гэтым фоне прагназуецца рост ВУП у бягучым годзе на 1,3%.

Інфляцыя і курс рубля

У банку мяркуюць, што інфляцыя ў рэспубліцы прадоўжыць запавольвацца і ў гадавым выражэнні не перавысіць узровень 7%.

Гэта, на думку спецыялістаў ЕАБР, звязана са стабільным курсам беларускага рубля і адміністрацыйным рэгуляваннем цэн.

Так, сярэдні курс рубля да долара ЗША ў 2026-м прагназуецца на ўзроўні BYN 3,0.

«Умацаванне нацыянальнай валюты забяспечыць рост экспарту паслуг і захаванне высокіх ставак па дэпазітах насельніцтва», – сказалі на заканчэнне ў банку.