Гасцей «Славянскага базару» будуць частаваць эскарга па-бургундску

У аўторак у абласным цэнтры адкрываецца традыцыйны кірмаш рамеснікаў «Славянскі калейдаскоп».

Кірмаш «Славянскі калейдаскоп» пройдзе ў Віцебску з 14 па 21 ліпеня ў рамках Міжнароднага фестывалю мастацтваў «Славянскі базар у Віцебску», паведамілі Times.by арганізатары.

У гэтым годзе ў кірмашу будзе адразу дзве знакавыя падзеі – 27 гадоў з моманту заснавання і 10-годдзе пастаяннай «прапіскі» на алеі на вуліцы Кірава. Пры гэтым першая экспазіцыя ў 1999 годзе налічвала ўсяго 10 удзельнікаў, а ў гэтым годзе іх ужо больш за 100.

Гасцям фестывалю прапануюць вырабы рамеснікаў – мастацкую кераміку, адзенне, эксклюзіўную біжутэрыю, тавары для дома і вырабы народных промыслаў.

«Пасля шопінгу можна адпачыць у летнім кафэ, а для гурманаў – сюрпрыз: на экспазіцыі «Эскарга д’Ор» пададуць вінаградных смаўжоў у смачным соусе па-бургундску», – сказалі арганізатары.

Урачыстае адкрыццё кірмашу адбудзецца ў аўторак, 14 ліпеня, у 11:00. Ён будзе працаваць да 21 ліпеня з 09:00 да 21:00.