Гродна гартае захады сонца і праводзіць лета – цёплы фотарэпартаж з горада над Нёманам

Пабывалі ва ўтульным Старым Гродне – сонечны вечар адыходзячага лета адлюстраваў фатограф Times.by.

Дадаць у асноўныя
крыніцы Google

Праводзячы цёплыя жнівеньскія дзянькі, гараджане высыпалі на набярэжную. Гулялі з дзецьмі каля фантана і на дзіцячай пляцоўцы, каталіся на веласіпедах і на скейтах, проста прагульваліся.

Гэта самае прыгожае месца ў Гродне, дзе мост злучае дзве часткі горада. Тут размясціліся Новы і Стары замкі, драмтэатр і фантан. З моста відаць Кляштар бернардзінцаў і Фарны касцёл. А на другім беразе ракі – больш маладая частка горада, аглядная пляцоўка на Стары горад і Касцёл Дзевы Марыі.

Гэта месца прыцягвае. Тым больш што вячэрняе сонца – лепшы час, каб зрабіць фотасесію. А яшчэ – стыльны пікнік непасрэдна на высокім беразе над Нёманам.