Колькі грошай патрацяць у 2026 годзе на здароўе аднаго беларуса, расказаў Мінфін

Мінімальны нарматыў бюджэтнай забяспечанасці на аднаго беларуса – амаль Br1,7 тыс.

У 2026 годзе на ахову здароўя накіруюць Br15,3 млрд. У тым ліку з рэспубліканскага бюджэту – Br3,3 млрд, а з мясцовых – Br12 млрд, паведамляе Міністэрства фінансаў Беларусі.

На гэтыя грошы абновяць і адрэмантуюць бальніцы і паліклінікі, закупяць абсталяванне і лекі. Таксама фінансаваннем забяспечаць праграмы прафілактыкі захворванняў і правядзенне дыспансерызацыі.

Пры гэтым мінімальны нарматыў бюджэтнай забяспечанасці на аднаго беларуса – амаль Br1,7 тыс.

Раней Times.by паведамляў, што ў 2025 годзе мінчане хадзілі да ўрачоў прыкладна па 12,2 раза. Гэта крыху радзей, чым у 2024 годзе: там паказчык склаў 12,3 раза.