Мінскае «Дынама» абгуляла «Авангард»

Усё вырашылася ў трэцім перыядзе дзякуючы галам Сяргея Кузняцова і паўночнаамерыканскіх легіянераў.

Дадаць у асноўныя
крыніцы Google

Хакеісты мінскага «Дынама» правялі матч рэгулярнага чэмпіянату КХЛ супраць омскага «Авангарда». Сустрэча прайшла на «Мінск-Арэне» 10 лістапада. Гульня завяршылася перамогай мінчан – 4:0.

Стартавыя два перыяды прайшлі без закінутых шайб. У трэцім гульнявым адрэзку мінчан на 47-й хвіліне вывеў наперад Рэт Гарднер. На 56-й хвіліне ўмацаваў перавагу Тай Сміт.

У канцы матчу «Авангард» замяніў варатара на дадатковага палявога іграка. «Зубры» гэтым скарысталіся – Сяргей Кузняцоў і Ксаўе Уэле адправілі шайбы ў пустыя вароты.

Варатар «Дынама» Зак Фукале правёў першы «сухі» матч у сезоне-2026/27.

«Сёння гульня складалася цяжка. Першы гол надаў упэўненасці. Зак Фукале выратаваў нас. Забілі нашы галы. Вынік гаворыць сам за сябе. Калі мы гуляем адзін за аднаго, падтрымліваем, то вынік прыходзіць», – сказаў галоўны трэнер «Дынама» Сяргей Брылін пасля матчу ў эфіры «Беларусь 5».

Наперадзе ў «зуброў» тры матчы на выездзе:

• 13 лістапада – СКА;
• 15 лістапада – «Тарпеда»;
• 17 лістапада – «Нафтахімік».