Мінскае «Дынама» выйшла ў другі раўнд плэй-оф КХЛ

Зубры» правялі свой самы працяглы матч у гісторыі КХЛ і перамаглі маскоўскае «Дынама».

У сталіцы Расіі прайшоў чацвёрты матч серыі плэй-оф паміж маскоўскім і мінскім «Дынама». Да гэтага «зубры» выйгралі тры гульні. Такім чынам, паражэнне ў гэтым матчы для масквічоў азначала завяршэнне сезона.

Цана памылкі была вялікая, і каманды гулялі акуратна. Галоў было няшмат. У першым перыядзе мінчане выйшлі наперад пасля кідка Станіслава Галіева (16-я хвіліна).

Пасля перапынку Мікіта Гусеў закінуў (23-я хвіліна) пры гульні ў большасці і зраўняў лік. Цікава, што суддзі па яшчэ адным галы Галіева і Гусева адмянілі пасля відэапраглядаў.

Трэці перыяд прайшоў без галоў – 1:1 пасля 60 хвілін гульнявога часу. Пераможца матча вызначаўся ў овертайме, які ішоў да першай закінутай шайбы. У першай дадатковай 20-хвілінцы таксама не закінулі. Усё вырашылася на 88-й хвіліне – рашаючую шайбу закінуў Станіслаў Галіеў.

Гэты матч стаў самым працяглым у гісторыі мінскага «Дынама» ў КХЛ.

«Не стаміліся. Добра падрыхтаваныя. Прыемныя эмоцыі. Бацькі прыехалі на матч. Не хацелася праводзіць яшчэ адзін матч у гэтай серыі. Часам падціскалі. Тыповая гульня плэй-оф на выездзе», – сказаў Станіслаў Галіеў пасля гульні ў эфіры «Беларусь 5».

Так мінскае «Дынама» выйграла ў серыі – 4:0 і другі год запар выйшла ў другі раўнд плэй-оф. Наступны сапернік вызначыцца ў бліжэйшыя дні.