Рынак нерухомасці як на далоні: Times.by і Realt.by запусцілі сумесны праект

Колькі каштуе купіць і арандаваць кватэру ў Мінску і іншых гарадах Беларусі – новы зручны сэрвіс ужо даступны для ўсіх.

Мультымедыйны інтэрнэт-рэсурс Times.by і пляцоўка нерухомасці Realt.by запускаюць сумесны праект – «Рынак нерухомасці Беларусі як на далоні».

У шапцы сайта Times.by з’явіўся віджэт, які выводзіць на экран актуальную сярэднюю цану квадратнага метра для вашага горада. Калі хочаце даведацца аб кошце жылля ў іншых гарадах або паглыбіцца ў аналітыку, націсніце на інформер і перайдзіце ў тэматычны раздзел.

Сэрвіс дае ўяўленне аб актуальных цэнах куплі, продажу і арэнды кватэр у Мінску, абласных цэнтрах. Паказвае, колькі кватэр выстаўлена на продаж і якая колькасць здзелак ажыццяўляецца штомесяц.

З дапамогай інтэрактыўнай карты вы можаце даведацца аб кошце жылля ў буйных райцэнтрах і як ён змяніўся за апошнія 12 месяцаў.

Напрыклад: у Мінску і Гомелі за апошні год «квадрат» падаражэў на 25%, у Маладзечне – на 9%, у Жодзіне – на 14%, у Мазыры і Калінкавічах – на 8%, у Баранавічах – на 10%, у Оршы – на 11%, у Магілёве і Віцебску – на 23%, а ў Гродне – на 37% (!)

Акрамя таго, ёсць эксклюзіўныя даныя па арэндзе кватэр у Мінску: колькі ў сярэднім каштуе зняць аднапакаёвую, двухпакаёвую і трохпакаёвую кватэру – і як змяніліся цэны ў гэтым сегменце за апошні год.

На дэсерт нясумная аналітыка – якая будучыня чакае беларускі рынак нерухомасці і што будзе з цэнамі. Поўная статыстыка даступная на Realt.by.