Сабаленка ўвайшла ў топ-10 тэнісістак па колькасці тыдняў на першым месцы рэйтынгу WTA

За час прафесійнай кар'еры 28-гадовая беларуска заваявала 24 тытулы WTA, уключаючы чатыры перамогі на турнірах Вялікага шлема.

Беларуска Арына Сабаленка стала дзясятай тэнісісткай у гісторыі са 100 тыднямі ў статусе першай ракеткі свету, паведамляе Opta Ace.

Жаночая тэнісная асацыяцыя (WTA) 20 ліпеня прадставіла абноўлены рэйтынг. Арына Сабаленка захавала за сабой першы радок у спісе лепшых тэнісістак планеты. Такім чынам, 28-гадовая беларуска пачала 100-ы тыдзень запар у статусе першай ракеткі свету.

З моманту з'яўлення рэйтынгу WTA ў 1975 годзе Арына Сабаленка стала дзясятай тэнісісткай у гісторыі, якой удалося правесці на вяршыні сусветнага рэйтынгу не менш за 100 тыдняў.

Арыну Сабаленку абышлі:

• Штэфі Граф (Германія) – 377; • Марціна Наўрацілава (Чэхія) – 332; • Серэна Уільямс (ЗША) – 319; • Крыс Эверт (ЗША) – 260; • Марціна Хінгіс (Швейцарыя) – 209; • Моніка Селеш (Сербія) – 178; • Іга Свёнтак (Польшча) – 125; • Эшлі Барці (Аўстралія) – 121; • Жусцін Энен (Бельгія) – 117.

Арына Сабаленка мае намер вярнуцца ў тур пасля Уімблдона-2026 на турніры WTA-1000 у Таронта, які пройдзе з 2 па 13 жніўня.

У ліпені Арына прыязджала ў Мінск: яна адкрыла тэнісныя корты і правяла майстар-клас для юных спартсменаў.