Сярэдняя зарплата ў краіне ў чэрвені перавысіла BYN 3,1 тыс.

Больш за ўсё у рэспубліцы традыцыйна зарабляюць жыхары сталічнага рэгіёну.

Намінальная налічаная сярэдняя заработная плата работнікаў у чэрвені 2026 года склала BYN 3104,1, паведамілі ў прэс-службе Белстата.

Месяцам раней гэты паказчык складаў BYN 3003,5. Атрымліваецца, што ўсяго за месяц сярэдняя зарплата ў Беларусі вырасла на BYN 100,6.

У рэгіянальным разрэзе сярэдняя зарплата выглядае наступным чынам:

• Мінск – BYN 4054,4;
• Мінская вобласць – BYN 3138,3;
• Гродзенская вобласць – BYN 2823,6;
• Брэсцкая вобласць – BYN 2745,0;
• Гомельская вобласць – BYN 2736,6;
• Віцебская вобласць – BYN 2667,7;
• Магілёўская вобласць – BYN 2626,4.

Больш за ўсё у чэрвені зарабілі беларусы, занятыя ў сферы дзейнасці паветранага транспарту, – BYN 8039,9.

З адставаннем ідуць работнікі сферы інфармацыйных тэхналогій, яны атрымалі ў мінулым месяцы ў сярэднім BYN 7313,1.

Работнікі сельскай гаспадаркі за першы месяц лета зарабілі ў сярэднім BYN 2576,6. У сферы адукацыі – BYN 2369,4.

Менш за ўсіх за справаздачны перыяд традыцыйна зарабілі беларусы, занятыя прадастаўленнем паслуг цырульнямі і салонамі прыгажосці, – BYN 1766,6. Крыху больш атрымалі супрацоўнікі бібліятэк, архіваў і музеяў – BYN 1923,1.