У Мінска можа з’явіцца свой брэнд-талісман

Такую прапанову ўнеслі супрацоўнікі «Мінскрэкламы» падчас сустрэчы з мэрам горада Уладзімірам Кухаравым.

Брэнд-талісман сталіцы прапанавалі распрацаваць супрацоўнікі «Мінскрэкламы» на сустрэчы са старшынёй Мінскага гарадскога выканаўчага камітэта Уладзімірам Кухаравым.

Яны адзначылі, што турысты змаглі б купіць талісман і вывезці яго на памяць аб наведванні сталіцы, піша агенцтва «Минск-Новости».

Таксама была ўнесена прапанова стварыць яшчэ адно турыстычнае месца ў раёне ракі Пярэспы – аб’яднаць парк Дружбы народаў з зонай Цнянскага вадасховішча.

Кухараў у сваю чаргу падкрэсліў, што ўжо рэалізуецца праект па добраўпарадкаванні Сляпянскай воднай сістэмы. У выніку можна будзе гуляць уздоўж вады ад Савецкага раёна да Чыжоўскага вадасховішча. А ў раёне Пярэспы плануюць рэканструяваць млын і капліцу.

Раней Times.by расказваў, што элітны турыстычны кластар з’явіцца на Веткаўшчыне.