У Мінску з 26 па 28 чэрвеня пройдзе маштабны летні фестываль

Жыхары і госці сталіцы змогуць не толькі патанцаваць пад рытмы вулічных музыкантаў, але і паглядзець папулярныя фільмы пад адкрытым небам.

У Мінску 26 чэрвеня стартуе гарадскі фестываль «Настрой – лета». Ужо вечарам у пятніцу на пляцоўцы каля Палаца спорту можна будзе паглядзець кіно на адкрытым паветры, а бліжэй да 21:00 загучыць музыка.

Куды больш маштабны фестываль у Мінску «Настрой – лета» пройдзе 27 чэрвеня. З 10:00 для самых маленькіх мінчан і дарослых пакажуць мультфільм «Смурфікі», а ў 16:00 пачнуцца выступленні кавер-груп, DJ-артыстаў, у тым ліку з удзелам зорак беларускай эстрады.

У нядзелю, 28 чэрвеня, праграма стане больш спартыўнай. На пляцоўцы каля Палаца спорту ў 12:00 пройдзе Bachata Dance Fit, а ў 13:00 – Zumba Fitness. Разам з тым працягнецца кінапаказ культавых мультфільмаў і фільмаў.