З беларускіх каратыстаў знялі санкцыі

Усё больш міжнародных спартыўных федэрацый далучаюцца да рашэння МАК аб адмене абмежаванняў у дачыненні да беларускіх атлетаў.

Сусветная федэрацыя каратэ (WKF) зняла абмежаванні з беларускіх спартсменаў, паведамілі ў прэс-службе Міністэрства спорту і турызму рэспублікі.

«Цяпер прадстаўнікі Беларусі змогуць выступаць на афіцыйных спаборніцтвах WKF з нацыянальнай сімволікай», – расказалі ў ведамстве.

«Віншуем усіх з гэтай цудоўнай навіной!» – дадалі ў Беларускай федэрацыі каратэ.

У маі Міжнародны алімпійскі камітэт (МАК) прыняў рашэнне зняць санкцыі з беларускіх спартсменаў і дазволіць ім выступаць на міжнародных турнірах з нацыянальным гімнам і сцягам. Прыклад з МАК узялі шэраг міжнародных федэрацый, у тым ліку гімнасты, лучнікі, барцы і іншыя. Раней паведамлялася, што Міжнародная федэрацыя хакея ў бліжэйшы час плануе зняць абмежавальныя меры ў дачыненні да зборнай Беларусі.