Зубр на М1 «загаворыць»

Сімвал трасы Мінск – Брэст цяпер будзе не толькі пару з ноздраў пускаць на пастаяннай аснове, але і вітаць сапраўдным зубрыным рыканнем.

Фігура зубра на аўтадарозе М1 прыбаўляе ў спецэфектах. У ноч на 16 мая волат выдзімаў клубы пары з ноздраў – спецыялісты закончылі фінальныя тэсты, і цяпер гэта эфектная опцыя будзе на пастаяннай аснове, паведамляе Брэсцкі аблвыканкам.

У далейшым 30-метровай фігуры дабавяць гуку: зубр будзе не толькі падморгваць праезджым святлом, але і вітаць трубным рыканнем.

Апгрэйд волата пачалі ў 2022-м. Тады 70-тонную фігуру пераварылі знутры, замянілі частку абшыўкі і дабавілі колеру. Кантраст падкрэсліў контуры і дабавіў некалі плоскай фігуры аб'ёму. Тады ж зрабілі і падсветку, дзякуючы якой зубр цяпер умее падморгваць.

Цяпер зубр большую частку часу сумуе ў адзіноце. Але неўзабаве пад магутным бокам разгорнецца прыдарожны сэрвіс. Папярэдняя назва праекта – «Крылы дружбы»: сумесная гісторыя з Татарстанам.

Аднапавярховы будынак з каменя і шкла размесціцца па дыяганалі ад металічнага звера. Адна з зал, мяркуючы па рэндарах, будзе з панарамным дахам і эфектным відам на фігуру зубра.