Адкрыта рэгістрацыя на фестываль Minsk Urban Fest

Першы фестываль пройдзе ў сярэдзіне ліпеня на тэрыторыі гарадскога парку Уга Чавеса, спаборніцкая праграма ўключае восем відаў спорту.

Адкрыта рэгістрацыя на самы маштабны вулічны спартыўны фестываль гэтага лета – Minsk Urban Fest, які пройдзе ў сталіцы ўпершыню, паведамілі ў Прэзідэнцкім спартыўным клубе.

«Прэзідэнцкі спартыўны клуб запускае Minsk Urban Fest – фестываль, які аб’яднае ўсіх, хто жыве спортам, любіць экстрым і не баіцца адрэналіну! Наш слоган «Горад кідае выклік» як мага лепш апісвае тое, што вас чакае», – расказалі арганізатары.

Фестываль пройдзе 11–12 ліпеня ў мінскім парку Уга Чавеса. У праграме – спаборніцтвы і паказальныя выступленні ў васьмі відах спорту:

• эндура‑крос; • BMX; • Urban Run (бег па гарадскім ландшафце); • самакат; • брэйк‑данс; • функцыянальнае мнагаборства; • стрытбол; • скейтбордынг.

«Хочаце не проста глядзець на вулічныя віды спорту, а ўдзельнічаць? Рэгіструйцеся на сайце фестывалю з 1 чэрвеня – там жа знойдзеце ўсе рэгламенты», – адзначылі арганізатары.

Для гледачоў і ўдзельнікаў фестывалю будуць арганізаваны розныя актыўнасці і забавы.

Падрабязнасці аб самым яркім фестывалі вулічных відаў спорту лета глядзіце і чытайце на Times.by – медыяпартнёры Minsk Urban Fest.