Арына Сабаленка выйшла ў 1/4 фіналу турніру ў Францыі

Першая ракетка свету ўпэўнена рухаецца да фіналу, а Наомі Осака не стала перашкодай для беларускі.

Беларуская тэнісістка Арына Сабаленка выйшла ў чвэрцьфінал «Ралан Гарос». У матчы чацвёртага круга яна ўзяла верх над японкай Наомі Осакай – 7:5, 6:3.

Сустрэча на корце Філіп Шатрые працягвалася 1 гадзіну 27 хвілін. Сабаленка пераламала ход першага сэта і ў другім упэўнена давяла матч да перамогі. У актыве беларускі – 12 эйсаў і рэалізавана чатыры брэйк-пойнты з пяці.

У 1/4 фіналу, які адбудзецца 3 чэрвеня, Сабаленка сустрэнецца з 23-й ракеткай свету расіянкай Дзіянай Шнайдэр. Гэты матч стане першай вочнай сустрэчай тэнісістак.

Арына Сабаленка з’яўляецца адзінай дзеючай чэмпіёнкай турніру Вялікага шлема, якая засталася ў сетцы «Ралан Гарос», і прадстаўніцай топ-6 сусветнага рэйтынгу ў чвэрцьфінале.