Бязвіз для гасцей і ўдзельнікаў «Славянскага базару» будзе дзейнічаць з 4 ліпеня

Да канца месяца іншаземцы змогуць бесперашкодна праехаць праз міжнародныя пункты пропуску, каб наведаць грандыёзны фестываль.

ДПК Беларусі паведамляе, што ў Беларусі ўводзіцца бязвізавы ўезд для іншаземцаў, якія збіраюцца наведаць «Славянскі базар».

Ужо з 4 ліпеня замежныя госці і ўдзельнікі маштабнага фестывалю змогуць без праблем уехаць у краіну праз міжнародныя пункты пропуску. Для гэтага іншаземцам неабходна будзе паказаць пашпарт і білет на «Славянскі базар» (падыдзе ў электронным выглядзе).

Трапіць у Беларусь без візы гасцям і ўдзельнікам фестывалю можна будзе да 31 ліпеня. Аднак варта памятаць, што адзін білет дазваляе аднаразова ўехаць у Беларусь без візы аднаму замежнаму грамадзяніну не пазней за дату правядзення названага ў ім мерапрыемства.

Дарэчы, у пачатку снежня 2025 года Прэзідэнт Беларусі працягнуў дзеянне бязвізавага ўезду ў краіну для грамадзян 38 дзяржаў. Ён будзе дзейнічаць да 31 снежня 2026 года, а ўмовы нязначна змяніліся з 2022 года, калі падобную практыку ўвялі ўпершыню.

Грамадзяне суседніх дзяржаў – Польшчы, Літвы і Латвіі – могуць знаходзіцца ў краіне да 90 каляндарных дзён у годзе.

Для астатніх гэты тэрмін знаходжання ў Беларусі складае 30 дзён.

Важна памятаць, што скарыстацца бязвізам у Беларусь можна неабмежаваную колькасць разоў, аднак колькасць дзён знаходжання не павінна перавышаць 90 у каляндарным годзе.