«Дынама» стала бронзавым прызёрам перадсезоннага Кубка Мінска

Хет-трык на свой рахунак запісаў навічок мінскага хакейнага клуба Арсеній Чухраеў.

Дадаць у асноўныя
крыніцы Google

Сталічны хакейны клуб «Дынама» выйграў бронзавыя медалі дамашняга перадсезоннага турніру «Кубак Мінска».

У спаборніцтвах перад стартам чарговага рэгулярнага чэмпіянату Кантынентальнай хакейнай лігі прымалі ўдзел шэсць каманд КХЛ.

Гульня за бронзавыя ўзнагароды адбылася вечарам у панядзелак, 17 жніўня, на лёдзе «Алімпік Арэны» – «зубры» сустракаліся з новасібірскім клубам «Сібір».

Галы за мінчан закінулі Арсеній Чухраеў (2-я, 23-я і 27-я хвіліны) і Сэм Энас (12-я). У гасцей вызначыліся Сцяпан Нікулін (13-я), Сяргей Папоў (44-я) і Аляксандр Мірзабаліеў (49-я).

На наступным тыдні «Дынама» паедзе ў расійскую сталіцу, дзе прыме ўдзел у Кубку мэра Масквы. Першая сустрэча ў «зуброў» будзе супраць казанскага «Ак Барса».