IT, грамадскае харчаванне і дзяржкіраванне: дзе шукаюць сябе маладыя беларусы

У Беларусі на адну тысячу юнакоў прыпадае 954 дзяўчыны – гэтыя і іншыя лічбы напярэдадні Дня моладзі агучылі ў Белстаце.

Паводле даных статыстычнага ведамства, у рэспубліцы налічваецца больш за 1,6 млн чалавек ва ўзросце 14–30 гадоў – прыкладна пятая частка краіны. Гэта пакаленне крыху больш мужчынскае па складзе: 837,8 тыс. хлопцаў супраць 798,9 тыс. дзяўчат. Самы «малады» адрас Беларусі – Мінск.

Амаль 240 тыс. беларусаў – студэнты і магістранты, прычым дзяўчаты дамінуюць – іх 52% супраць 48%. У сярэднеспецыяльных навучальных установах тая ж карціна. А вось у каледжах і прафтэху лідзіруюць хлопцы – амаль 68% навучэнцаў.

Кар'ера і амбіцыі

Моладзь ужо не проста работнік на ўваходзе, яна прыкметная ў кіраванні: амаль кожны дзясяты кіраўнік усіх узроўняў сёння маладзейшы за 30 гадоў, з іх 55% прыпадае на хлопцаў і 45% – на дзяўчат.

Найбольш актыўна моладзь прадстаўлена ў такіх сферах, як паслугі па часовым пражыванні і харчаванні (32,2%), IT-сектар (32%), дзяржаўнае кіраванне (31,4%), іншыя віды паслуг (21,3%), творчасць, спорт, забавы і адпачынак (20,2%).

Інтэрнэт – прывычнае для маладых асяроддзе. У 99% юнакоў і дзяўчат ёсць доступ у сетку, 96% маюць персанальны камп'ютар. Яны глядзяць фільмы і слухаюць музыку, знаёмяцца ў сацсетках і вырашаюць бытавыя пытанні анлайн.

Амаль 90% шукаюць тавары ў сетцы, а 65% ужо купляюць або прадаюць там – ад адзення да паслуг.

Вольны час, спорт і адносіны

Малады беларус эканоміць час, але жыве насычана. У сярэднім у дзяўчат 4 гадзіны 12 хвілін свабоднага часу ў суткі, у юнакоў крыху больш – 5 гадзін 1 хвіліна. Пры гэтым дзяўчаты часцей чытаюць і глядзяць відэа, а юнакі прысвячаюць больш гадзін захапленням і гульням.

У спорце і актыўных відах дзейнасці юнакі таксама наперадзе: 57 хвілін супраць 48 хвілін у дзяўчат. Затое дзяўчаты ўдзяляюць зносінам на 10 хвілін больш – 45 хвілін супраць 35.

Жаданне ствараць сям'ю застаецца моцным: у 2025 годзе да 31 года заключылі шлюбы 30 тыс. дзяўчат і 25,9 тыс. юнакоў. Самы папулярны ўзрост для замужжа – 21–26 гадоў, для жаніцьбы – 23–28 гадоў.

Тым часам у Беларусі праходзіць уступная кампанія. Першымі працэс пачалі навучальныя ўстановы, дзе рыхтуюць кваліфікаваных рабочых і спецыялістаў базавага звяна. Прыём дакументаў на мэтавае навучанне ў ВНУ пачнецца ў суботу. А яшчэ на нашым сайце ёсць зручная шпаргалка для абітурыентаў з Беларусі і Расіі – абавязкова захавайце сабе ў закладкі.