Мінскае «Дынама» буйна абыграла «Сібір»

«Зубры» перарвалі серыю матчаў без перамог, дзве шайбы на рахунку Абе-Кюбеля.

Дадаць у асноўныя
крыніцы Google

Мінскае «Дынама» правяло матч рэгулярнага чэмпіянату КХЛ. 18 верасня на «Мінск-Арэне» «зубры» прымалі «Сібір».

Да гульні дынамаўцы падышлі з чатырма паражэннямі ў пасіве. Гэты матч таксама складваўся няпроста – першы перыяд завяршыўся без закінутых шайб.

Прарвала ў другім перыядзе, калі «зубры» змайстравалі тры галы: вызначыліся Сяргей Калінін (25-я хвіліна), Данііл Ліпскі (38-я), Нікаля Абе-Кюбель (39-я).

У трэцім перыядзе яшчэ раз у большасці закінуў Абе-Кюбель (47-я). У «Сібіры» голам адзначыўся былы ігрок «Дынама» Дарэн Дзіц (54-я). 4:1 – перамога «Дынама».

Наступны матч «зубры» правядуць 20 верасня, сустрэўшыся на дамашняй арэне з «Аўтамабілістам» з Екацярынбурга.