Моста няма – ёсць паром «Тытанік»: як жывуць у пасёлку, падзеленым ракой

Заходняя Дзвіна «разразае» гарадскі пасёлак Сураж на дзве часткі. Каля 50 чалавек жывуць на правым беразе – адрэзаныя ад школы, аптэкі, банка і пошты. Дабрацца да «вялікай зямлі» можна толькі на пароме. А зімой – наогул ніяк: пераправа працуе толькі ў цёплы сезон.

«40 гадоў жыву – і ўсё мучымся!» – кажа мясцовая жыхарка. Для прыезджых паром – атракцыён. Для мясцовых – адзіны спосаб трапіць у цывілізацыю. Паром называецца «Тытанік», а ў рух гэту махіну прыводзіць трактар BELARUS.

Сураж стаіць за 40 км ад Віцебска, за 14 км ад мяжы з Расіяй. Калісьці тут праходзіў легендарны гандлёвы шлях «з варагаў у грэкі». Сёння – ціхая гавань на 700 чалавек, дзе рытм жыцця дыктуе расклад пераправы.

Times.by пабываў па абодва бакі Дзвіны і даведаўся, як гэта, калі твой дзень залежыць ад парома, – больш падрабязнасцей у рэпартажы.