Сабаленка знялася з турніру ў Штутгарце
Bel.Times.by
Белорусская теннисистка Арина Соболенко. Фото: Marta Lavandier, AP / TASS
Лідар сусветнага рэйтынгу знялася з «пяцісотніка» ў Штутгарце з-за траўмы, атрыманай у Маямі.
Першая ракетка свету беларуска Арына Сабаленка знялася з грунтавога турніру WTA-500 у нямецкім Штутгарце.
«Прывітанне, Штутгарт! Са шкадаваннем паведамляю, што не змагу прыняць удзел у турніры гэтага года», – напісала беларуская тэнісістка ў сацсетках.
Арына Сабаленка расказала, што не зможа прыняць удзел у спаборніцтвах з-за траўмы, атрыманай на турніры ў Маямі, які яна выйграла. «Як бы ні старалася, у мяне не атрымалася паўнацэнна аднавіцца да старту турніру», – дадала яна.
Арына прызналася, што ёй вельмі шкада прапускаць турнір у Штутгарце. Пры гэтым яна спадзяецца, што зможа пазмагацца за галоўны прыз – элітны аўтамабіль «Паршэ» – у наступны раз.
Турнір у Штутгарце пройдзе з 13 па 19 красавіка. Дзеючай пераможцай спаборніцтваў з’яўляецца латвійская тэнісістка Алена Астапенка, якая ў мінулым годзе перамагла Арыну.
Раней з турніру ў Штутгарце таксама знялася алімпійская чэмпіёнка Парыжа Чжэн Цыньвень з Кітая.
