Стаў вядомы расклад дамашніх матчаў «Дынама» ў КХЛ

Чэмпіянат Кантынентальнай хакейнай лігі стартуе 5 верасня.

Дадаць у асноўныя
крыніцы Google

КХЛ зацвердзіла час пачатку дамашніх матчаў для ўсіх клубаў у сезоне-2026/2027, паведамляе прэс-служба арганізацыі.

Дамашнія сустрэчы мінскага «Дынама» ў будныя дні будуць пачынацца ў 19:10, а ў выхадныя – у 17:10.

Вераснёвая дамашняя серыя «зуброў»:

• 7 верасня, 19:10 – «Дынама» – «Тарпеда» (Ніжні Ноўгарад); • 10 верасня, 19:10 – «Дынама» – «Шанхай Дрэганс» (Шанхай); • 18 верасня, 19:10 – «Дынама» – «Сібір» (Новасібірск); • 20 верасня, 17:10 – «Дынама» – «Аўтамабіліст» (Екацерынбург); • 28 верасня, 19:10 – «Дынама» – «Лада» (Тальяці).

У рэгулярным чэмпіянаце кожная каманда правядзе па 68 матчаў. Усяго каляндар уключае 748 гульняў, размеркаваных на 182 ігравыя дні, – як і ў мінулым сезоне.

Рэгулярка завершыцца 20 сакавіка 2027 года, а розыгрыш плэй-оф пройдзе з 23 сакавіка па 23 мая.