У Беларусі змяніліся ўмовы атрымання Дзяржаўнага знака якасці

Прэстыжная ўзнагарода ўручаецца лепшым таварам краіны, аднак цяпер уносяцца некаторыя карэкціроўкі.

У Беларусі абнавілі правілы прысваення Дзяржаўнага знака якасці. Адпаведную пастанову падпісаў прэм’ер-міністр краіны Аляксандр Турчын.

Новы дакумент уносіць змяненні ў склад атэстацыйнай камісіі, але самыя важныя навацыі звязаны з умовамі прысваення гэтай прэстыжнай узнагароды.

Адзначаецца, што цяпер у Беларусі Дзяржаўны знак якасці не будзе прысвойвацца прадукцыі, у найменні якой змяшчаюцца геаграфічныя знакі, ніяк не звязаныя з тэрыторыяй рэспублікі.

Акрамя таго, уводзіцца спецыяльная формула, якая дазволіць аўтаматызаваць працэс адбору прэтэндэнтаў на атрыманне Дзяржаўнага знака якасці.

Як удакладнілі ў прэс-службе ўрада, дакумент таксама ўносіць некаторыя кропкавыя змяненні ў асобныя пункты, каб ліквідаваць лішак норм, прывесці іх у адпаведнасць з дзеючым парадкам і спрасціць працэс.

Дарэчы, раней Times.by расказваў і паказваў, як ствараюць лепшыя тавары ў Беларусі, удастоеныя Дзяржаўнага знака якасці.