У Мінску эфектна далі старт новаму сезону праекта «Спорт для ўсіх»

Усе жадаючыя зусім бясплатна могуць прыняць удзел у трэніроўках па ёзе, фітнесе, сайклінгу і іншых крутых актыўнасцях да канца верасня.

Другі сезон маштабнага аздараўленчага праекта «Спорт для ўсіх» афіцыйна стартаваў у пятніцу, 5 чэрвеня, у Мінску, перадае карэспандэнт Times.by.

Спартыўнае свята адкрылі на пляцоўцы каля Нацыянальнай бібліятэкі, дзе арганізавалі шмат актыўнасцей для ўсіх жадаючых: джампінг, дартс, настольны тэніс, кардыятрэніроўкі на велатрэнажорах, заняткі па лаціне і шмат іншага.

Праект, арганізаваны Прэзідэнцкім спартыўным клубам і Мінгарвыканкамам, у гэтым сезоне будзе праходзіць у шасці сталічных лакацыях – парку 50-годдзя Вялікага Кастрычніка, парку імя Паўлава, скверы каля гасцініцы «Беларусь», пляжы №3 Цнянскага вадасховішча, Яблыневым скверы і парку Цівалі.

Каб мець магчымасць трэніравацца, новым удзельнікам трэба зарэгістравацца на сайце праекта «Спорт для ўсіх», а ранейшым – абнавіць свае даныя ў асабістым кабінеце.

Арганізатары адзначаюць, што ў сезоне-2026 для ўдзельнікаў падрыхтавалі каля 40 спартыўных напрамкаў: ад ёгі, бегу, шахмат да bosu-трэнінгу, сайклінгу і power body. З навінак – выключна жаночыя трэніроўкі. Кожны занятак – з прафесійнымі інструктарамі.

У мінулым сезоне ўдзельнікамі спартыўнага марафону сталі каля 20 тыс. чалавек.