Зубр на брэсцкай трасе зарыкаў – відэафакт

Сімвал Брэсцкай вобласці ў гэтым годзе пачаў выпускаць пару з ноздраў, а цяпер яму дабавілі і гукавых спецэфектаў.

Фігура зубра каля аўтатрасы М1 пачала ўтвараць трубны роў, і турысты, якія сталі на пікнік каля абочыны, ужо могуць ацаніць узровень «шуму».

«Гук працуе ў дуэце са спецэфектам «жывога дыхання»: металічны гігант рыкае і пускае густыя клубы пары з ноздраў», – расказалі ў прэс-службе Брэсцкага аблвыканкама.

Рыканне зубра можна пачуць раз у гадзіну. Распрацоўшчыкі запусцілі спецыяльны сайт з таймерам адваротнага адліку ў рэальным часе. Дзякуючы гэтаму не трэба чакаць, калі ўсё пачнецца, а пад'ехаць да вызначанага часу.

Раней Times.by расказваў, што знакамітая стальная фігура волата беларускіх лясоў стала выпускаць пару з ноздраў.

Цяпер у планах у брэсцкіх улад адкрыць каля «кропкі прыцяжэння» на ўездзе ў вобласць кафэ, дзе будуць прадстаўлены стравы беларускай і татарскай кухні.